డాక్టర్ శ్రీనుబాబు

గుంటూరు జిల్లాలో గల 17 శాసనసభా నియోజకవర్గాలలో, పొన్నూరు ఒకటి. పూర్వం పొన్నూరు, స్వర్ణపురి (బంగారు భూమి) అని పిలవబడేది. తరువాత స్వర్ణపురి తమిళరాజుల పరిపాలనలోకి వెళ్ళింది. అప్పుడు ఈ ఊరిని, "పొన్నూరు"(పొన్ను+ఊరు) అని పిలవడం ప్రారంభించారు. గుంటూరు జిల్లా లోని ముఖ్య పురపాలక సంఘాలలో, పొన్నూరు ఒకటి.

ఈ నియోజకవర్గపు ఓటర్ల సంఖ్య 208168 గా నమోదయింది. అందులో ఆడవారి సంఖ్య 106349 కాగా మగవారి సంఖ్య 101806. గ్రామీణ ప్రాంతాల్లోని రైతులు పత్తి మరియు మిర్చి పంటలు ఎక్కువగా సాగు చేస్తారు. పొన్నూరులో అప్పడాల వ్యాపారం ఎక్కువగా జరుగుతుంది.

ప్రసిద్ధ ప్రదేశాలు:

శ్రీ సాక్షి భావనారాయణస్వామివారి ఆలయం

సంస్కృత కళాశాల - శ్రీ సాక్షి భావనారాయణస్వామి దేవస్థానం ఆవరణలో 1937లో వేద పాఠశాలను స్థాపించారు. 1950 లో ఆ పాఠశాలను సంస్కృత కళాశాలగా మార్చారు.

నియోజకవర్గపు ప్రముఖులు:

• తుమ్మల సీతారామమూర్తి
• కొండవీటి వెంకటకవి
• దేవరపల్లి మస్తాన్ రావు (దళిత ఉద్యమ నేత,హేతువాదం పత్రిక సంపాదకులు)

ఈ నియోజకవర్గపు సమస్యలు:

• పొన్నూరులో ఆటోనగర్ కు హామీ - కానీ కార్యరూపం మాత్రం దాల్చలేదు.
• ఈ ప్రాంతంలో, అయిదేళ్ల క్రితం కుంగిన చెరువు రివిట్మెంట్ - వృధా అవుతున్న నీరు.
• చేబ్రోలు, పెదకాకాని మండలాల్లో తాగు సాగు నీటి సమస్యలు.
• నియోజకవర్గంలో, అన్ని చోట్ల డ్రైనేజి వ్యవస్థలు అస్థవ్యస్థనంగా ఉన్నాయి.
• లింక్ రోడ్లు కూడా సరిగ్గా లేవు.