డాక్టర్ శ్రీనుబాబు

పల్నాటి రాజకీయాలకు కేంద్ర బిందువు, నరసరావుపేట శాసనసభ నియోజకవర్గం. నరసరావుపేటను పలనాడుకు ముఖద్వారంగా అభివర్ణించారు. జిల్లా లోని నాలుగు రెవెన్యూ డివిజను కేంద్రాలలో ఇది ఒకటి. నరసరావుపేట, వాణిజ్యకేంద్రంగా మరియు విద్యా కేంద్రంగా జిల్లాలో ప్రముఖమైన స్థానం పొందింది. అంతేకాక రాష్ట్ర రాజకీయాలకు ప్రసిద్ధి ఈ నియోజకవర్గం.

ఈ ప్రాంతం పేరు తొలుత అట్లూరు. అట్లూరుగా మొదలైన ప్రస్థానం "నరసింహారావుపేట"గా కొనసాగి, నరసరావుపేట"గా వాసికెక్కినది. ఈ నియోజకవర్గపు ఓటర్ల సంఖ్య 195927 గా నమోదయింది. అందులో ఆడవారి సంఖ్య 99084 కాగా మగవారి సంఖ్య 96830. ఇక్కడి రైతులు సాగునీరు అందక, పత్తి మరియు మిరప వైపు మొగ్గు చూపుతున్నారు.

ప్రసిద్ధ ప్రదేశాలు:

త్రికోటేశ్వర స్వామి దేవాలయం - ఇక్కడకి సమీపంలో ప్రసిద్ధి చెందిన కోటప్పకొండలోని త్రికోటేశ్వర స్వామి దేవాలయం 12 కి మీల దూరంలో ఉంది. ఆ అలయంలో శివుడ్ని త్రికొటేశ్వరుడిగా భక్తులు కొలుస్తారు.

శ్రీ రాధా గోవిందచంద్ర మందిరం (ఇస్కాన్ మందిరం). 

నియోజకవర్గపు ప్రముఖులు:

• జొన్నలగడ్డ శ్రీరామమూర్తి (సంగీత కళాకారుడు)
• మాణిక్యరావు (ఉపాధ్యాయ నేత,శాసన మండలి సభ్యుడు)

ఈ నియోజకవర్గపు సమస్యలు:

• నరసరావుపేటలోని కొత్త మార్కెట్ కోసం 10 ఏళ్ళ క్రితం శంకుస్థాపన, కానీ మొదలవని పనులు.
• 12 ఏళ్ళ క్రితం మొదలై ఇప్పటికి పూర్తవని అండర్ గ్రౌండ్ డ్రైనేజి పనులు.
• మౌలిక వసతులైన తాగు నీరు, రహదారుల లేక ఇబ్బందులు ఎదుర్కుంటున్న ప్రజలు.
• జనాభా పెరిగి ట్రాఫిక్ సమస్యలతో ఎన్నో ఇక్కట్లు పడుతున్న ప్రజలు.