డాక్టర్ శ్రీనుబాబు

మాచెర్ల శాసనసభ నియోజకవర్గం, గుంటూరు జిల్లాలో గల 17 శాసనసభా నియోజకవర్గాలలో ఒకటి. క్రీ.శ. 1182 లో పలనాటి యుద్ధంగా పేరొందిన దాయాదుల పోరు మాచర్ల, గురజాల పట్టణాల మధ్య జరిగింది. హైహయరాజుల కాలంలో ఈ ప్రాంతంలో గొప్పచెరువు వుండేదని, దానిమధ్యలో మహాదేవి ఆలయం వుండడం వలన ఈ ప్రాంతానికి మహాదేవిచర్ల అనే పేరు వాడుకలో మాచర్లగా రూపాంతరంచెందిందని చరిత్రకారుల కథనం.

ఈ నియోజకవర్గపు ఓటర్ల సంఖ్య 238236. అందులో ఆడవారి సంఖ్య 120646 కాగా మగవారి సంఖ్య 117573 గా నమోదయింది. పత్తి, మిరప, వరి ఇక్కడి ప్రధాన వాణిజ్య పంటలు. నాణ్యమైన నాపరాయికి ఈ ప్రాంతంలోని క్వారీలు ప్రసిద్ధి. ఇక్కడి నుండి నాపరాయి ఇతర రాష్ట్రాలకూ,విదేశాలకూ ఎగుమతి అవుతుంది.

ప్రసిద్ధ ప్రదేశాలు:

ఈ పట్టణము హైహవ రాజుల కాలంలో నిర్మించిన చెన్నకేశవస్వామి దేవాలయమునకు ప్రసిద్ధి. ఈ దేవాలయము 12-13 వ శతాబ్దాలలో నిర్మించబడింది.

నాగార్జునసాగర్ ప్రాజెక్టు:- మాచర్లకు 25 కి.మీ. దూరంలో ఉంది.

ఓటిగుళ్ళు - పలనాడులో బ్రహ్మనాయుడు, మలిదేవుల పాలనకు పూర్వం, జైనులు ఈ ప్రాంతంలో ఓటిగూళ్లను కట్టించారు. మూలవిరాట్‌ లేకుండా దేవాలయం మాత్రమే ఉండే వాటిని ఓటిగుళ్లుగా పిలుస్తారు.

నియోజకవర్గపు ప్రముఖులు:

షేక్ చిన లాలుసాహెబ్ ఆకాశవాణి నాదస్వర విద్వాంసులు.

ఈ నియోజకవర్గపు సమస్యలు:

• నియోజకవర్గంలోని ఐదు మండలాల్లో తీవ్ర తాగునీటి ఇబ్బందులు.
• గ్రామాల మధ్య ఘోరంగా తయారైన రోడ్లు.
• నిరష్కరాస్యత ఎక్కువగా ఉండడంతో ఎటు చూసిన వెనకబాటుతనం.
• వీధి దీపాలు సరిగ్గా లేని ప్రాంతాలు ఎన్నో.
• బస్సు షెల్టరుని కొందరు ఆక్రమించి నివాసం ఏర్పాటు చేసుకోవడంతో ఇక్కడి ప్రయాణికులు ఇబ్బందులు పడుతున్నారు.