డాక్టర్ శ్రీనుబాబు

కాటంరాయుడు ,విజయనగర రాజులు,వారి తర్వాత రెడ్డిరాజుల మరియు సుల్తానులచే  పాలించబడి , ఎన్నో గుప్తనిధులు కలిగి ఉండి , కొండలకు సమీపంలో ఉన్నందున కనిగిరి పూర్వం కనకపట్నం అని పిలువబడేది ,కనక అనగా బంగారం మరియు గిరి అనగా కొండ అని అర్ధం. కాలక్రమంలో కనకపట్నం కాస్తా  కనిగిరిగా రూపాంతరం చెందింది. ఈ నియోజకవర్గంలోని పామూరి వంటకాలకు దక్షిణ భారతదేశంలోనే ప్రతేయక గుర్తింపు  ఉంది.

ఈ నియోజకవర్గంలో మొత్తం 207766 మంది ఓటర్లు ఉండగా,వీరిలో 105324 మంది పురుషులు కాగా,102427  మంది మహిళా ఓటర్లు ఉన్నారు.

ప్రసిద్ధ ప్రదేశాలు:

కనిగిరి కోట ,బ్రహ్మంగారి ఆలయం,శ్రీకృష్ణ ఆలయం ,కనకదుర్గ ఆలయం మరియు సుల్తానుల కాలంనాటి మసీదులు మరియు కనిగిరిలో జలవనరుల శాఖ చూడదగ్గ ప్రదేశాలు.

పంటలు

పొగాకు, వరి, చెరకు, వేరుశెనగ ఇక్కడి ప్రధాన పంటలు.

ఈ నియోజవర్గపు సమస్యలు:

• అస్థిపంజర ఫ్లోరోసిస్ (మరియు దాని నరాల సంబంధిత వ్యాధులు )మరియు ఫ్లోరైడ్ సంబంధిత వ్యాధులతో మరో ఉదానంగా, కన్నీటిగిరిగా మారిన కనిగిరి. 
• ఎక్కడచూసినా గుప్తనిధులకోసం త్రవ్వకాలు జరపడంతో ,శిలావస్థకు చేరిన కనిగిరికోట ,పట్టించుకోని పురావస్తుశాఖ.
• వలసలు అధికం.
• పూర్తికాని వెలుగొండ ప్రాజెక్ట్.